Los premios Hugo son un perimportante gallardón dau a escritores de Ciencia Ficción y de Fantasía, asina como a artistes gráficos, guionistes y/o editores. Magar que la so relevancia ye menor qu'en décades pasaes entá ye xunto al premiu Nébula, el premiu de mayor prestixu na Ciencia Ficción.
Esti gallardón recibe'l so nome por Hugo Gernsback, fundador de la revista Amazing Stories pionera nesti tipu de Lliteraturia, amás de ser l'inventor del términu Ciencia Ficción.
Los premios concédense anualmente dende 1953, anque ye dende 1955 que se fai dende la Sociedá Mundial de Ciencia Ficción a traviés de la Worldcon ou Convención Mundial de Ciencia Ficción, que se celebra en branu (agostu o setiembre) n'Estaos Xuníos. Los premios otórgense un añu dempués del so asoleyamientu.
El gallardón ye una nave espacial d'aceru inoxidable.